أنا وصديقـــــــــاتي في حصة الانجليـــــــــزي !!

يالله بنات انا ببدى اول وحدة واحكيكم قصه صارت معي زمان في المدرسه

مع معلمة الانجليزي كنت احبها كثير وفي نفس الوقت كنت احب العب

بأعصابها انا واعز صديقاتي ( ل ) كنا مشاغبات بالمرة في حصتها بس من

وراها طبعا << يعني لاراحت تكتب بالسبورة تعالي شوفي انواع المشاغبات

والضحك والهمز واللمز انا وصديقاتي ( ل) و(م) صديقتي الثالثه (م2) <<

الله ولا كانها رمز رياضيات ههههههه

كانت هاديه تشوفنا نشاغب مسيكينه تحاول انها تهدينا وتناظرنا بعصبيه يقالنا

اسكتوا عيب حصة ابله ومايصير تتكلمون وتشاغبون وانا و(ل) ولا نحنا هنا

شويه الا وترمينا (م) باللبان انا و (ل) ونحنا لسه مو مستوعبين شيللي يصير

وبعد مابانت لنا الحقايق قمنا نرميها بالفصفص على ورى << لاانها كانت

تجلس بأخر الصف اللي نجلس فيه انا و (ل) والفصفص هادا كانت تأكله

صديقتي اللي تجلس قدامي (ع) اخذناه منها ورحنا نرميها فيه

شويه الا وصارت اول طامه كبرى << ياويلي انا والنات

المعلمه دارت من السبورة الا وتصيد (ع) وهي تاكل الفصفص ومن دلاختها

وإنه الموضوع صار فجأة طاحت على القبة حقها قشرة الفصفص <<

اقصد قبة المريول !! لا وطاحت مقلوبه كمان عشان تزيد الطين بلة

المعلمة بس شافتها تمدغ ماتدري انه فصفص الا ويوم تشوف القشرة

تسألها وهي مستغربه : (ع) تأكلين فصفص ؟ هي مسيكينه مع الفجعه حق

الكفشه ههههههه هزت براسها انه لا وهي مسمرة عيونها على المعلمه

ماتدري وش هي تقول !! ونحنا انا والبنات لاانه من اول متابعينها خلاص

ماتشوفوا الا انواع الضحك المكتوم لاانه لو ضحكنا يعني اننا من اول نعرف

وساكتين لاانه الابلة سألتها بصوت واطي !! وخلاص محنا قادرين ؟؟

هههههههه الا والحمد لله جات سليمه والحمد لله الابلة سامحتها ؟؟

وشويه والابله تشرح كان في متر نازل من درج (ل) الى الارض مدري

وش اللي جابه خاصة اننا ثانويه عامه والاقسام العمليه ماهي مقررة ..

المهم .. اسألها : ايش اللي جاب المتر على درجك >> هذا والابلة تشرح

الا وترد علي وهي تضحك : هذا الثعبان الممتر بس هي قالت هذه الجمله من

هنا وانا خلاص اتسدحت من الضحك عليها من هنا انا وهيا << سبحان الله

احيان الواحد يضحك على حاجات ماتضحك بس الوقت والمناسبه واللي

حصل من شوي مع (ع) خلانا خلاص زي المجانين الا وتقلب الابلة من

الشرح وتلقانا نضحك ضحكة مكتومه << من الفجعه عشان قلبت على غفلة

قامت هزئتنا لين قلنا بس وهددت انها تطلعنا برة >> هاذي حوبة (ع)

المسيكينه .. هي بس قالت لنا كدى خلاص سكتنا وماعاد عدناها وخلاص

لزمنا الادب من داك اليوم مع ابلة الانجليزي !!

إن شاء الله تكون عجبتكم القصة


يالله احتري الردود !!